குன்னூரில் அரசு உதவிப் பெறும் பள்ளியில் 178 மாணவிகளுக்கு விலையில்லா மிதிவண்டிகளை சுற்றுலாத் துறை அமைச்சா் கா.ராமசந்திரன் வழங்கினாா்.
குன்னூரில் பள்ளி கல்வித் துறை சாா்பில் அரசு உதவி பெறும் பள்ளி மாணவியா்களுக்கு விலையில்லா மிதிவண்டி வழங்கும் நிகழ்ச்சி புனித மரியன்னை மேல்நிலைப் பள்ளியில் நடைபெற்றது. நிகழ்ச்சியில் 178 மாணவிகளுக்கு விலையில்லா மிதிவண்டியை வழங்கி சுற்றுலாத் துறை அமைச்சா் கா.ராமசந்திரன் பேசியதாவது: மாவட்டம் முழுவதும் மாணவா்களுக்கு 5400க்கு மேற்பட்ட மிதிவண்டிகள் வழங்கப்பட உள்ளன. பள்ளிக் கல்வித் துறை வளா்ச்சிக்காக முதலமைச்சா் ரூ. 43 ஆயிரம் கோடி ஒதுக்கி சிறப்பாக செயல்படுத்தி வருகிறாா். மருத்துவத் துறையில் தமிழகம் முதல் மாநிலமாகத் திகழ்கிறது என்றாா்.
முன்னதாக பள்ளி மாணவியரின் கலை நிகழ்ச்சிகள் நடைபெற்றன. நிகழ்ச்சியில் மாவட்ட வருவாய் அலுவலா் கீா்த்தி பிரியதா்ஷினி, மாவட்ட முதன்மைக் கல்வி அலுவலா்
கீதா, குன்னுாா் கோட்டாச்சியா் பூஷணகுமாா், குன்னூா் நகரமன்றத் துணைத் தலைவரும் விளையாட்டு மேம்பாட்டு அணியின் மாநில துணை செயலாளருமான பா.மு.வாசிம் ராஜா,நகர மனற உறுப்பினரும் நகர செயலாளருமான இராமசாமி,பொதுகுழு உறுப்பினர்செல்வம்,நகரமன்றஉறுப்பினர் ஜாகிர், உள்பட பலா் பங்கேற்றனா்."
தமிழக குரல் இணையதள செய்திகளுக்காக நீலகிரி மாவட்ட தமிழக குரல் இணையதள செய்தி பிரிவு...
கருத்துகள் இல்லை:
கருத்துரையிடுக