திருச்செந்தூர், மே 27-
திருச்செந்தூர் அருள்மிகு சுப்பிரமணிய சுவாமி கோயிலில் 7.7.2025 அன்று நடைபெறவுள்ள குடமுழுக்கு விழாவை தமிழ் மந்திரங்களில் நடத்த வேண்டும் என கோரிக்கை எழுப்பப்பட்டுள்ளது. இந்த கோரிக்கையை முன்வைத்து வரும் 14.6.2025 அன்று திருச்செந்தூரில் பெரும் ஆர்ப்பாட்டம் நடைபெற உள்ளது.
தெய்வத் தமிழ்ப் பேரவை ஒருங்கிணைப்பாளர் ஐயா பெ. மணியரசன் வெளியிட்ட அறிக்கையில்:
- கருவறை, வேள்விச்சாலை மற்றும் கோபுர கலசம் ஆகிய மூன்று நிலைகளிலும் தமிழ் மந்திரங்களே ஓதப்பட வேண்டும் என்று கோரியுள்ளார்
- சென்னை உயர் நீதிமன்றம் நான்கு முறை தமிழ் மந்திரங்களில் குடமுழுக்கு நடத்த வேண்டும் என தீர்ப்பளித்துள்ளது என்பதை சுட்டிக்காட்டியுள்ளார்
- "மொய்தார் அணிகுழல் வள்ளியை வேட்டவன் – முத்தமிழால் வைதாரையும் அங்கு வாழ வைப்போன்!" என அருணகிரிநாதர் பாடியுள்ளதை மேற்கோள் காட்டியுள்ளார்
தமிழ்நாடு அரசு மற்றும் இந்து சமய அறநிலையத்துறை இந்த கோரிக்கையை ஏற்று நடவடிக்கை எடுக்க வேண்டும் என கோரிக்கை விடுக்கப்பட்டுள்ளது. இந்த விவகாரம் குறித்து வரும் 14ம் தேதி திருச்செந்தூரில் பெரும் ஆர்ப்பாட்டம் நடைபெற உள்ளது.
கருத்துகள் இல்லை:
கருத்துரையிடுக