அழகப்பா அரசு கலைக்கல்லூரியில் முதலாம் ஆண்டு இளநிலை மாணவர் சேர்க்கை

 

அழகப்பா அரசு கலைக்கல்லூரியில் முதலாம் ஆண்டு இளநிலை மாணவர் சேர்க்கைக்கான முதல் கட்ட கலந்தாய்வு  03-06-2025 (செவ்வாய்க்கிழமை) முதல் நடைபெற உள்ளதாக முதல்வர் பெத்தாலெட்சுமி அறிவிப்பு. அழகப்பா அரசு கலைக் கல்லூரி,

காரைக்குடி , அழகப்பா அரசு கலைக் கல்லூரியில் 2025-2026ஆம் கல்வியாண்டில் முதலாமாண்டு இளநிலை மாணவர் சேர்க்கைக்கான முதற்கட்ட கலந்தாய்வு 03-06-2025 செவ்வாய்க்கிழமை முதல்  காலை 9.30மணியளவில் கல்லூரியின் உமையாள் அரங்கத்தில் நடைபெற இருக்கிறது. 03-06-2025  அன்று காலை 9 .30 மணியளவில் விளையாட்டு, முன்னாள் இராணுவத்தினர், தேசிய மாணவர் படை ,அந்தமான் நிக்கோபார், பாதுகாப்புப் படை மற்றும் மாற்றுத்திறனாளி மாணவர்களுக்கான சிறப்பு ஒதுக்கீட்டிற்கான அனைத்து இளநிலை பாடப்பிரிவுகளுக்கான கலந்தாய்வு நடைபெறும். அதைத் தொடர்ந்து 04-06-2025 (300 முதல் 400   கட் ஆப் மதிப்பெண் பெற்றவர்களுக்கு) மற்றும் 05-06-2025 ( 250 முதல் 299 கட் ஆப் மதிப்பெண் பெற்றவர்களுக்கு)  ஆகிய இருநாட்கள்  காலை 9.30 மணியளவில் பி.எஸ்.சி. கணிதம், இயற்பியல், வேதியியல், தாவரவியல், விலங்கியல், கணினி அறிவியல், கணினி பயன்பாட்டியல்(பி.சி.ஏ),மற்றும் பி.எஸ்.சி.புவி அமைப்பியல் பாடப்பிரிவுகளுக்கும் 

09- 06-2025, காலை 9.30 மணியளவில் வணிகவியல்(பி.காம்.), தொழில் நிர்வாகவியல்(பி.பி.ஏ.) ( 250 முதல் 400 கட் ஆப் மதிப்பெண் பெற்றவர்களுக்கு ) பாடப்பிரிவுகளுக்கும் , 11-06-2025,  காலை 9.30 மணியளவில் பி.ஏ. வரலாறு மற்றும் பொருளியல் ( 250 முதல் 400 கட் ஆப் மதிப்பெண் பெற்றவர்களுக்கு) பாடப்பிரிவுகளுக்கும் 12-06-2025, காலை 9.30 மணி அளவில் தமிழ், ஆங்கிலப் பாடப்பிரிவுகளுக்கும்   முதல் கட்ட பொதுக்கலந்தாய்வு

நடைபெறும். இக்கலந்தாய்வில் பங்கேற்க அழைக்கப்பட்ட மாணவர்கள் மட்டுமே கலந்துகொள்ள இயலும். இக் கலந்தாய்வில் பங்கேற்க வரும்  மாணவ, மாணவிகள் பெற்றோருடன் தங்களின் 10,11 மற்றும் 12 ஆம் வகுப்பு மதிப்பெண் சான்றிதழ்கள், மாற்றுச்சான்றிதழ், இணைய வழியில் பெறப்பட்ட  சாதிச் சான்றிதழ், தொலைபேசி எண் மற்றும் பிறந்த நாளுடன் இணைக்கப்பட்ட ஆதார் அட்டை, ஆதார் எண்ணுடன்  இணைக்கப்பட்ட மாணவ, மாணவியர் பெயரிலான வங்கி கணக்கு புத்தகத்தின் முதல் பக்க நகல், சிறப்புப் பிரிவினராக இருப்பின் அதற்குரிய அனைத்துச்சான்றிதழ்கள் ஆகியவற்றின் அசல் மற்றும் இரண்டு நகல்களையும், நான்கு பாஸ்போர்ட் அளவு புகைப்படங்களையும், கல்லூரிக்கு விண்ணப்பித்த விண்ணப்பப் படிவத்தின் அனைத்துப் பக்கங்களையும் உள்ளடக்கிய நகல்கள் இரண்டினையும்  கொண்டு வருமாறு கேட்டுக்கொள்ளப்படுகிறார்கள்.

இன்றியமையாத குறிப்பு; கட் ஆப் மதிப்பெண் கணக்கிடும் மாணவ, மாணவியர் தங்கள் மதிப்பெண் பட்டியலில்உள்ள  தமிழ்,ஆங்கிலப் பாடங்களுக்கு உரிய மதிப்பெண்களை நீக்கி, ஏனைய நான்கு பாடங்களுக்கான மதிப்பெண்களைக் கூட்டிக் கணக்கிட வேண்டும்

மேலும் விவரங்கள் பெற www.agacollege.in என்ற இணைய தளத்தையோ அல்லது நேரில்  கல்லூரியையோ அணுகவும்.