கள்ளக்குறிச்சி மாவட்டம், உளுந்தூர்பேட்டை வட்டம் ஆர்.ஆர். குப்பம் கிராமத்தில் இன்று கிராம சபைக் கூட்டம் ஊராட்சி மன்றத் தலைவர் ரமேஷ் தலைமையில் நடைபெற்றது. இக்கூட்டத்தில் மேற்பார்வையாளராக கோதாவரி கலந்து கொண்டு கூட்டத்தை மேற்பார்வையிட்டார்.
கூட்டத்தில் கலந்து கொண்ட பொதுமக்கள் தங்களது கிராமத்தின் அடிப்படை வசதிகள் தொடர்பாக மூன்று முக்கிய கோரிக்கைகளை முன்வைத்தனர்.
அதில், ஓலையனூர் கிராமத்தில் உள்ள பள்ளியில் மாணவ, மாணவிகளின் நலன் கருதி கழிப்பறை வசதி அமைத்துத் தர வேண்டும் என முதல் கோரிக்கையாக வலியுறுத்தினர்.
மேலும், ஆர்.ஆர் குப்பம் கிராமத்தில் நீண்டகாலமாக நிலவி வரும் குடிநீர் பிரச்சினைக்கு நிரந்தரத் தீர்வு காணும் வகையில் போதிய குடிநீர் வசதிகளை ஏற்படுத்தித் தர வேண்டும் என இரண்டாவது கோரிக்கையை முன்வைத்தனர்.
தொடர்ந்து, கிராமப் பகுதிகளில் பொதுமக்கள் மற்றும் பள்ளி, கல்லூரி மாணவர்கள் அன்றாடம் சென்று வருவதற்கு போதிய பேருந்து வசதி இல்லாததால் பெரும் சிரமம் ஏற்படுவதாகவும், எனவே பேருந்து வசதி ஏற்படுத்தித் தர வேண்டும் என மூன்றாவது கோரிக்கையாக வலியுறுத்தினர்.
பொதுமக்கள் முன்வைத்த இந்த மூன்று முக்கிய கோரிக்கைகளும் கிராம சபைக் கூட்டத்தில் விவாதிக்கப்பட்டு, தீர்மானமாக நிறைவேற்றப்பட்டன.
கிராமத்தின் அடிப்படைத் தேவைகளை நிறைவேற்றுவதற்காக பொதுமக்கள் ஒருமித்த குரலில் கோரிக்கை வைத்தது கூட்டத்தில் முக்கியத்துவம் பெற்றது.
கருத்துகள் இல்லை:
கருத்துரையிடுக