B.T/BRTE தேர்வு ஒத்திவைப்பு நாம் தமிழர் கட்சியின் ஒருங்கிணைப்பாளர் சீமான் வரவேற்பு.

கனமழையால் பாதிக்கப்பட்ட சென்னை, காஞ்சிபுரம், செங்கல்பட்டு, திருவள்ளூர் உள்ளிட்ட வட மாவட்டங்களில் பெருவெள்ளப் பாதிப்புகளைக் கருத்திற்கொண்டு எதிர்வரும் ஜனவரி மாதம் 7ஆம் நாள் (07.01.2024) நடைபெறவிருந்த பட்டதாரி ஆசிரியர் மற்றும் வட்டார வளமைய ஆசிரியர் (B.T/BRTE) தேர்வானது, பிப்ரவரி மாதம் 4ஆம் நாள் (04.02.2024) அன்றைக்கு ஒத்திவைக்கப்படுவதாக தமிழ்நாடு ஆசிரியர் தேர்வு வாரியம் அறிவித்துள்ளது வரவேற்கத்தக்கது.

அன்றைக்கு ஒத்திவைக்கப்படுவதாக தமிழ்நாடு ஆசிரியர் தேர்வு வாரியம் அறிவித்துள்ளது வரவேற்கத்தக்கது. அதே சமயம் வடமாவட்டங்களைப் போலவே கனமழை வெள்ளத்தால் பெரிதும் பாதிக்கப்பட்ட திருநெல்வேலி, தூத்துக்குடி, தென்காசி, கன்னியாகுமரி உள்ளிட்ட தென்மாவட்டங்களிலும் ஆசிரியர் மற்றும் வட்டார வளமைய ஆசிரியர் (B.T/BRTE) தேர்வினை ஒத்திவைக்க ஆசிரியர் தேர்வு வாரியம் எவ்வித அறிவிப்பையும் இதுவரை வெளியிடாதது மிகுந்த ஏமாற்றமளிக்கிறது. ஆசிரியர் தேர்வு வாரியத்தின் இத்தகைய பாகுபாட்டால் அம்மாவட்டங்களைச் சேர்ந்த தேர்வர்கள் மிகுந்த மன உளைச்சலுக்கு ஆளாகியுள்ளனர்.

ஆகவே, தமிழ்நாடு ஆசிரியர் தேர்வு வாரியம் கனமழையால் பாதிக்கப்பட்ட வட மாவட்டங்களுக்கு அறிவிக்கப்பட்டது போலவே, தென் மாவட்டங்களிலும் ஆசிரியர் மற்றும் வட்டார வளமைய ஆசிரியர் தேர்வினை பிப்ரவரி மாதத்திற்கு ஒத்திவைத்து உடனடியாக அறிவிப்பு வெளியிட உத்தரவிட்டு தேர்வர்களின் நலன் காக்க வேண்டுமென நாம் தமிழர் கட்சி சார்பாக தமிழ்நாடு அரசினை வலியுறுத்துகிறேன். என தெரிவித்துள்ளார்.