காந்தி ஜெயந்தி விழாவை முன்னிட்டு அரிமா சங்கத்தின் சார்பில் நடைபெற்ற இந்நிகழ்ச்சியில், மகாத்மா காந்தியின் திருவுருவச் சிலைக்கு மாலை அணிவித்து புஷ்பாஞ்சலி செலுத்தப்பட்டது. தொடர்ந்து, பொதுமக்கள் மற்றும் ஆதரவற்றோர் என 100 நபர்களுக்கு அன்னதானம் வழங்கப்பட்டது.
இந்நிகழ்ச்சிக்கு முன்னாள் மாவட்ட ஆளுநரும், கவர்னருமான பி. அசோக் குமார் சோர்டியா முன்னிலை வகித்தார். அரிமா சங்கத் தலைவர் கோவிந்தராஜன் தலைமை தாங்கினார். செயலாளர் துரைராஜ், பொருளாளர் துரை ஆகியோர் நிகழ்ச்சிக்கான ஏற்பாடுகளைச் செய்திருந்தனர்.
மேலும், மாவட்ட நிர்வாகிகள் மோகன் நாயுடு, மோகன், பாவாணன், ரமேஷ் மற்றும் சங்க உறுப்பினர்கள் சத்தியசீலன் உள்ளிட்ட பலர் கலந்து கொண்டு காந்தி சிலைக்கு மலர் தூவி மரியாதை செலுத்தினர்.
காந்தியடிகளின் எளிமை, அகிம்சை, உண்மை மற்றும் சேவை மனப்பான்மையைப் போற்றும் வகையில் நடைபெற்ற இந்நிகழ்ச்சியில், பொதுமக்களுக்கு அன்னதானம் வழங்கி சமூக சேவையின் முக்கியத்துவத்தை எடுத்துரைத்தனர். இதில் அரிமா சங்க நிர்வாகிகள், உறுப்பினர்கள் மற்றும் பொதுமக்கள் கலந்து கொண்டு விழாவை சிறப்பித்தனர்.
D. செல்வம்
கள்ளக்குறிச்சி மாவட்ட செய்தியாளர்
தமிழக குரல்
கருத்துகள் இல்லை:
கருத்துரையிடுக