கோவை, நவம்பர் 5:
நேற்று புதன்கிழமை மாலை, கோவையில் தமிழ்மாநில காங்கிரஸ் கட்சியின் சார்பில் மாபெரும் மனித சங்கிலி ஆர்ப்பாட்டம் நடைபெற்றது. இவ்வார்ப்பாட்டம் கட்சித் தலைவர் ஜி.கே. வாசன் அவர்களின் தலைமையில் சிறப்பாக நடைபெற்றது.
இந்த ஆர்ப்பாட்டத்தின் போது தமிழகத்தில் அண்மையில் நடைபெற்ற பல்வேறு சமூக மற்றும் பொது நல சம்பவங்களை மையப்படுத்தி கோஷங்கள் எழுப்பப்பட்டன. அதில் முக்கியமாக —
-
முழுமையான மதுவிலக்கு மாநிலம் முழுவதும் அமல்படுத்தப்பட வேண்டும்,
-
அண்மையில் கல்லூரி மாணவிக்கு ஏற்பட்ட அவல நிலைக்கு தக்க நீதி மற்றும் தீர்வு வழங்கப்பட வேண்டும்,
-
பொதுமக்களுக்கு பல நலத்திட்டங்கள் மற்றும் சலுகைகள் வழங்கப்பட வேண்டும் என பல்வேறு கோரிக்கைகள் முன்வைக்கப்பட்டன.
இந்நிகழ்வில் கோவை தெற்கு மாவட்டத் தலைவர் பி. குணசேகரன், மாவட்ட பொறுப்பாளர்கள், கட்சித் தொண்டர்கள் மற்றும் ஏராளமான பொதுமக்கள் கலந்து கொண்டு ஆதரவு தெரிவித்தனர்.இந்த மனித சங்கிலி கோவையின் பல முக்கிய சாலைகளில் விரிந்தபடி நடைபெற்றது.
© தகடூர்குரல்.காம் | செய்தி மற்றும் விளம்பர தொடர்புக்கு: 📞 9843 663 662
கருத்துகள் இல்லை:
கருத்துரையிடுக