ஒவ்வொரு வருடமும் ஆகஸ்ட் 25 முதல் செப்டம்பர் 8 வரை தேசிய அளவில், கண் மருத்துவமனைகளும், அதனை சார்ந்த கண் வங்கிகளும் கண் தான விழிப்புணர்வு வாரமாக கடைப்பிடித்து வருகிறது
திருநெல்வேலி டாக்டர் அகர்வால் கண் மருத்துவமனை மற்றும் கல்வி நிறுவனங்களுடன் இணைந்து டாக்டர் அகர்வால் கண் மருத்துவமனை முன்பாக மாணவ மாணவியர்கள் மற்றும் 600 பேருக்கு மேற்பட்டோர் பெரும் திரளாக கலந்துகொண்டு மாபெரும் கண்தான விழிப்புணர்வு மனித சங்கிலி நடைபெற்றது.
தலைமை விருந்திர்களாக மாவட்ட போக்சோ சிறப்பு நீதிபதி கே. சுரேஷ் குமார், கூடுதல் துணை நீதிபதி எஸ் கல்யாண மாரிமுத்து ஆகியோர் கலந்து கொண்டு விழிப்புணர்வு பதாகையை ஏந்திய, மனித சங்கிலியை தொடங்கி வைத்து பேசினார்கள்.
சிறப்புவிருந்திர்களாக இந்திய மருத்துவ சங்க திருநெல்வேலி கிளை தலைவர் டாக்டர் M.முகம்மது அபூபக்கர், திருநெல்வேலி காவேரி மருத்துவமனை டாக்டர் லட்சுமணன் மருத்துவ நிர்வாகத் தலைவர் மற்றும் டாக்டர் அன்புராஜன் மருத்துவ இயக்குநர் பீஸ் ஹெல்த் மருத்துவமனை திருநெல்வேலி ஆகியோர் கலந்து கொண்டு முன்னிலை வகித்தனர்.
திருநெல்வேலி டாக்டர் அகர்வால் கண் மருத்துவமனையின் மண்டல மருத்துவ இயக்குனர் பேராசிரியர் டாக்டர் D.லயனல்ராஜ் கண் தானம் செய்வதின் அவசியத்தை குறித்தும் உலக அளவில் கருவிழி பார்வை இழப்பு தடுப்பதை குறித்தும் விரிவாக பேசினார்.
அகர்வால் மருத்துவமனையில் உலக தரத்தில் தையல் இல்லா கருவிழி மாற்று அறுவை சிகிச்சை நவீன தொழில்நுட்பத்துடன் கூடிய உபகரணங்களுடன் உதவியுடன் செய்யப்படுகிறது என்பதையும் மேற்கோள் காட்டினார்.
மேலும் PKசரவணன் தலைவர் உறுப்புகள்தானபிரிவு ரோட்டரிகிளப் திருநெல்வேலி கலந்து கொண்டார்
மனித சங்கிலியில், அண்ணா பல்கலைக்கழகம் திருநெல்வேலி, திருநெல்வேலி டாக்டர் அகர்வால் ஆப்டோமெட்டிரி கல்லூரி, சாராள் தக்கர் பெண்கள் கல்லூரி திருநெல்வேலி, அன்னை காஜிரா பெண்கள் கல்லூரி மேலப்பாளையம்,
சாரதா பெண்கள் கல்லூரி திருநெல்வேலி, நேரு நர்சிங் கல்லூரி வள்ளியூர் மாணவ மாணவியர்கள் மற்றும் டாக்டர் அகர்வால் கண் மருத்துவமனை மருத்துவர்கள் மற்றும் ஊழியர்கள் கலந்து கொண்டு விழிப்புணர்வு பதாகைகளை ஏந்தியும் விழிப்புணர்வு வாசகங்களை கூறியும் மனித சங்கிலியில் பங்கேற்றனர்.
இதனையொட்டி இந்த இரண்டு வாரங்களில் (ஆகஸ்ட் 25 முதல் செப்டம்பர் 8 வரை ) கல்லூரி மாணவ, மாணவியர்களுக்கு விழிப்புணர்வு ஏற்படுத்தும் விதமாக கண்தானம் குறித்த ஓவியம்,கவிதை போட்டிகள் ஏற்பாடு செய்யப்பட்டுள்ளது.
நிகழ்ச்சி ஏற்பாடுகளை கருவிழிப்பிரிவு மருத்துவர் டாக்டர்.ராணிலட்சுமி மற்றும் மருத்துவமனை மருத்துவர்கள், ஊழியர்கள் ஆகியோர் செய்திருந்தனர்.
கருத்துகள் இல்லை:
கருத்துரையிடுக